სომხეთის საგარეო საქმეთა მინისტრმა, არარატ მირზოიანმა რუსეთის საგარეო საქმეთა მინისტრს, სერგეი ლავროვს მოუწოდა, არ ჩაერიოს სომხეთის შიდა საქმეებში.
სომხეთის საგარეო საქმეთა მინისტრმა უპასუხა რუსი კოლეგის, სერგეი ლავროვის განცხადებას, რომ სომეხთა ეკლესიაზე გაუმართლებელი თავდასხმები შემაშფოთებელია.
"თუ არ ვცდები, ბატონმა ლავროვმა გამოიყენა ფრაზა: "ხელისუფლების ბრძოლა ეკლესიის წინააღმდეგ". უნდა გავიმეორო, რომ ეს არასწორია. ხელისუფლება სომხეთის ეკლესიას არ ებრძვის. შესაძლოა, ბატონი ლავროვი გულისხმობდა კონკრეტულ სასულიერო პირებს, რომლებიც სომხეთის პილიტიკაში ერევიან, ან მათ სავარაუდო მცდელობებს, კანონის მიღმა იმოქმედონ და მონაწილეობა მიიღონ გადატრიალების მცდელობებში. ბატონმა ლავროვმა თავი უნდა შეიკავოს სომხეთის საშინაო საქმეებსა და პოლიტიკაში ჩარევისგან" , – განაცხადა მირზოიანმა დღეს ერევანში, ევროკავშირის საგარეო პოლიტიკური უწყების ხელმძღვანელთან, კაია კალასთან ერთად გამართულ პრესკონფრენციაზე.
მისივე თქმით, სამართალდამცველების ინფორმაციით, საუბარია ამ პირების მონაწილეობაზე უკანონო გადატრიალებაში.
„ეს სამართლებრივი პროცესია და სომხეთის შიდა საქმეა. უკეთესი იქნებოდა, ლავროვი არ ჩაერიოს სომხეთის შიდა საქმეებში“, – განაცხადა სომხეთის საგარეო საქმეთა მინისტრმა.
