აშშ-ის პრეზიდენტმა დონალდ ტრამპმა განაცხადა, რომ ისრაელის პრემიერ-მინისტრი ბენიამინ ნეთანიაჰუ კორუფციის ბრალდებით სასამართლოში დაიბარეს და მოუწოდა მის წინააღმდეგ საქმის დაუყოვნებლივ შეწყვეტისკენ.
„ახლახან გავიგე, რომ ბიბი ორშაბათს სასამართლოში დაიბარეს, ამ ხანგრძლივი ამ „საშინელებათა შოუს“ გასაგრძელებლად [2020 წლის მაისიდან გადის. ეს პირველი შემთხვევაა, როდესაც ისრაელის მოქმედი პრემიერ-მინისტრი სასამართლოს წინაშე წარდგა] - გაუგონარია! პოლიტიკურად მოტივირებული საქმე. ბიბი ნეთანიაჰუს სასამართლო პროცესი დაუყოვნებლივ უნდა გაუქმდეს, ან ის, როგორც დიდი გმირი, უნდა შეიწყალონ“, - დაწერა ტრამპმა Truth Social-ზე.
ამერიკის ლიდერმა აღნიშნა, რომ ის არ იცნობს არავის, ვისაც ნეთანიაჰუზე „უფრო დიდი ჰარმონიით“ შეეძლო მასთან მუშაობა.
„სწორედ ამერიკის შეერთებულმა შტატებმა გადაარჩინა ისრაელი და ახლა ამერიკის შეერთებული შტატები გადაარჩენს ბიბი ნეთანიაჰუს“, - დასძინა ტრამპმა.
