ირანის სახელმწიფო ტელევიზიის პოლიტიკური დირექტორის მოადგილემ, ჰასან აბედინიმ, განაცხადა, რომ ირანმა წინასწარ განახორცილა სამივე ბირთვული ობიექტის ევაკუაცია, რომლებზეც შეერთებულმა შტატებმა თავდასხმა განახორციელა.
აბედინის თქმით, ირანმა სამი ბირთვული ობიექტიდან ყველა კრიტიკული მასალის გატანა მოახერხა.
მას არ დაუკონკრეტენია, თუ რომელ ობიექტებზე საუბრობდა, თუმცა აღნიშნა, რომ ევაკუაციის შესახებ გადაწყვეტილება „გარკვეული დროის წინ“ იქნა მიღებული.
აბედინიმ ასევე განაცხადა, რომ ირანს „სერიოზული დანაკარგები არ განუცდია, რადგან მასალები უკვე გატანილი იყო“.
შეგახსენებთ, აშშ-მა ირანის 3 ბირთვულ ობიექტს დაარტყა. აშშ-მა იერიშები მიიტანა ირანის სამ ძირითად ბირთვულ ობიექტზე ფორდოში, ნათანზსა და ისპაჰანში. სარაკეტო იერიშებში მონაწილეობდენ აშშ-ის სტრატეგიული ბომბდამშენები (B-2), რომლებიც ცოტა ხნით ადრე, გადაიყვანეს კუნძულ გუამზე, რამაც გააჩინა ვარაუდი, რომ აშშ ირანზე თავდასხმას გეგმავდა.
