დასანქცირებულები ურეკავენ ევროკავშირს კითხვებით: “რა დაემართა ჩემს აქტივებს, ჩემს სახლს ესპანეთში, ჩემს შვილს, რომელიც ბელგიაში სწავლობს?”. ამის შესახებ ევროპარლამენტარმა, ნაჩო სანჩეს ამორმა განაცხადა.
ევროპარლამენტარ, ამბობს, რომ ეს ინფორმაცია მიიღო კოლეგებისგან ევროკომისიასა და საგარეო ქმედებათა სამსახურში.
„ქართული ოცნება" დეტალურად მიყვება ავტორიტარული მმართველების სახელმძღვანელოს, შეიძლება რაიმე ინოვაციებით, მაგრამ სიგიჟეა იმის დანახვა, როგორ შეიძლება, რამდენიმე თვეში ქვეყანა ასეთ პოზიციაში აღმოჩნდეს, როდესაც ჰორიზონტი [საარჩევნო] კამპანიის დროს დაისახა.
“ქართულმა ოცნებამ” თქვა, რომ ისინი ოპოზიციას აუქმებენ. ისინი არ ამბობენ, რომ ერთპარტიული მმართველობა აქვთ, მაგრამ ფაქტი ისაა, რომ სწორედ ამას აკეთებენ - კანონების, პრაქტიკისა და ნარატივების მხრივ…
ისინი იზოლირებულები არიან და დარწმუნებულები იყავით, რომ ერთნაირი მესიჯი მოგვდის, საგარეო ქმედებათა სამსახურისა და ევროკომისიის კოლეგებისგან, ერთნაირი მესიჯი მოგვდის - ერთადერთი, რასაც ამის შეჩერება შეუძლია, პერსონალური სანქციებია.
ჩვენ მივიღეთ უნივერსალური გზავნილი. ყველა თანამოსაუბრე ამბობს, რომ ერთადერთი, რაც ამას შეაჩერებდა, პერსონალური სანქციებია. ერთადერთი, რაზეც მათ რეაგირება მოახდინეს, ხალხს დაურეკეს კითხვებით: რა ბედი ეწია ჩემს აქტივს… ჩემს სახლს ესპანეთში… ჩემს შვილებს, რომლებიც ბელგიაში სწავლობენ… ყველა თანამოსაუბრემ, რომელსაც შევხვდით, ისაუბრა ამ ერთადერთ რეაქციაზე, რომელიც წარსულში გვქონდა. რამდენიმე სახელი დასახელდა, რომ მათ დაურეკეს ევროკავშირს და არასამთავრობო ორგანიზაციებს კითხვით, თუ როგორ შეუძლიათ ამ სიიდან გასვლა“, - განაცხადა ნაჩო სანჩეს ამორმა.