ხომ გაიძახის ივანიშვილი სუვერენიტეტს ვიცავო ჰოდა საქართველოს სუვერენიტეტს რომ არ იცავს ეგ ამბავია აქ მოკლედ, - ამის შესახებ პარტია “გახარია საქართველოსთვის“ წევრი თეონა აქუბარდია წერს.
აქუბარდია ეხმიანება გაერო-ში მიღებულ რეზოლუციას, რომელსაც „ქართული ოცნების“ რამდენიმე პარტნიორმა ქვეყანამ მხარი არ დაუჭირა.
“ხომ გაიძახის ივანიშვილი სუვერენიტეტს ვიცავო ჰოდა საქართველოს სუვერენიტეტს რომ არ იცავს ეგ ამბავია აქ მოკლედ. რუსეთის მიერ ოკუპირებულ ტერიტორიებზე დევნილების დაბრუნებას მისი პარტნიორი ჩინეთი და გაერთიანებული საემიროები გაეროში მხარს არ უჭერენ. ამ დროს ჩვენი ნამდვილი მეგობრები, ვინც მხარდაჭერას მათ შორის გაეროშიც ადასტურებენ მტრად ეკიდება. ახლა თუ გამოვა ვინმე და იტყვის აქამდე წინააღმდეგ აძლევდნენ ხმას და ახლა თავი შეიკავესო არ ითვლება, რადგან მხარდაჭერა არის სუვერენიტეტის მნიშვნელოვანი და არა თავშეკავება!“ - წერს თეონა აქუბარდია.
საქართველოს საგარეო საქმეთა სამინისტროს ინფორმაციით, ნიუ იორკში, გაერო-ს გენერალურმა ასამბლეამ 79-ე სესიის ფარგლებში, მიიღო საქართველოსა და მსოფლიოს სხვადასხვა რეგიონის 63 ქვეყნის მიერ ინიცირებული რეზოლუცია – „აფხაზეთიდან, საქართველო და ცხინვალის რეგიონიდან/სამხრეთ ოსეთი, საქართველო, იძულებით გადაადგილებულ პირთა და ლტოლვილთა სტატუსის შესახებ“. რეზოლუციას 107-მა ქვეყანამ დაუჭირა მხარი.
