უკრაინა გეგმავს 2024 წელს 1 მილიონი FPV-დრონის წარმოებას. ამის შესახებ ამერიკული გამოცემა Wall Street Journal იუწყება. გამოცემის ცნობით, საბრძოლო მასალის დეფიციტის გამო დრონები დამზადდება მცირე საწარმოებში, რომლებიც მთელი ქვეყნის მასშტაბით იქნება.
თითოეულ საწარმოში დაახლოებით 20 ადამიანია დასაქმებული, რომლებსაც ყოველთვიურად დაახლოებით 3000 დრონის დამზადება შეუძლიათ. თუმცა დაგეგმილია წარმოების გაზრდა თვეში 10 ათას დრონამდე.
2023 წლის დეკემბერში უკრაინის პრეზიდენტმა ვოლოდიმირ ზელენსკიმ უკვე ისაუბრა კიევის გეგმებზე და 2024 წლისთვის 1 მილიონი დრონის წარმოებაზე. მან ასევე პირობა დადო, რომ დაძლევს ბიუროკრატიას დრონების წარმოებასა და ლოჯისტიკაში: ”მე უბრალოდ შოკირებული ვარ, როგორ ვერ აღწევს {ფრონტამდე} ის, რასაც ჩვენ ვაწარმოებთ”, - თქვა ზელენსკიმ.
