ესპანეთის სოციალურ მედიაში მძაფრი რეაქციები მოჰყვა სააღდგომო პოსტერს, რომელზეც იესო ქრისტე არატრადიციული ფორმით არის გამოსახული.
პოსტერის ავტორია მსოფლიოში ცნობილი მხატვარი სალუსტიანო გარსია კრუზი. პოსტერზე იესო ქრისტე გამოსახულია ეკლის გვირგვინის გარეშე, მცირე ჭრილობებით ხელსა და მკერდზე. მას წელზე შემოხვეული აქვს ქსოვილი.
პოსტერი შეიქმნა შეკვეთით და დამტკიცდა საძმოს გენერალური საბჭოს მიერ, რომელიც ორგანიზებას უწევს სევილიაში ცნობილი პროცესიებს აღდგომის წინ, ვნების კვირაში.
პოსტერი, გამოქვეყნების შემდეგ, კრიტიკის ქარ-ცეცხლში გაეხვა. სოციალურ ქსელში გაჩაღდა დებატები, თუ როგორ უნდა გამოსაულიყო მასზე იესო ქრისტე. ბევრი ამ გამოსახულებას შეუფერებელს, სამარცხვინოს, მოდერნისტულსა და სევილიის სააღდგომო ტრადიციებთან შეუსაბამოს უწოდებს.
ესპანეთი კათოლიკური ქვეყანაა და საეკლესიო ტრადიციებს, როგორიცაა ქორწინება, ნათლობა, რელიგიური მსვლელობები, ძალიან პოპულარულია და დიდი პატივისცემით სარგებლობს როგორც მორწმუნეებში, ასევე არამორწმუნეებში.
პოსტერის სააწინააღმდეგოდ შეიქმნა პეტიცია, რომელსაც ათასობით ადამიანი აწერს ხელს.
მხატვარმა დაიცვა თავისი ნამუშევარი და ძველმოდური უწოდა მის მიმართ გაჩაღებულ კრიტიკას.
"ნახატში არაფერია რევოლუციური. იგი თანამედროვეა, მაგრამ ყველა ელემენტი, რომელიც გამოვიყენე არის ელემენტები, რომლებიც ბოლო 7 საუკუნის განმავლობაში გამოიყენება საკრალურ ხელოვნებაში", - თქვა მან.
მხატვრის განცხადებით, მოდელად მისი ვაჟი ჰორაციო გამოიყენა.
