აშშ-ის ეროვნული უსაფრთხოების საბჭოს სტრატეგიული კომუნიკაციების კოორდინატორმა ჯონ კირბიმ ჟურნალისტებს განუცხადა, რომ ამერიკის სამხედრო ძალებმა ერაყსა და სირიაში დაარტყეს შვიდს სამიზნეს, რომლებსაც ირანთან დაკავშირებული მებრძოლები იყენებდნენ. იუწყება NBC News
მისი თქმით, ერაყში სამი ობიექტი მდებარეობს, სირიაში - ოთხი
მისივე თქმით, ერაყის მთავრობა ინფორმირებული იყო თავდასხმების შესახებ.
კირბიმ ასევე თქვა, რომ აშშ-ის პასუხი კვირას იორდანიაში უპილოტო თვითმფრინავის თავდასხმაზე, რომლის შედეგადაც დაიღუპა სამი ამერიკელი ჯარისკაცი და 34 დაიჭრა, დღეს არ დასრულდება: „ეს პასუხები დღეს საღამოს დაიწყო, მაგრამ ისინი არ დასრულდება ამაღამ“, - თქვა მან.
ამასთან, აშშ-ის არმიის გაერთიანებული შტაბის ოპერაციების დირექტორმა, დუგლას სიმსმა განაცხადა, რომ შეერთებული შტატები ელოდება ხელსაყრელ ამინდს ერაყსა და სირიაში ირანის მიერ მხარდაჭერილი მებრძოლების ობიექტებზე დარტყმისთვის.
"ეს დაიგეგმა ამინდის გათვალისწინებით, როდესაც ჩვენ გვქონდა საუკეთესო შესაძლებლობა. დღეს კარგი ამინდი იყო. შედეგად, ეს განხორციელდა,"- განაცხადა მან.
ამერიკის შეერთებულმა შტატებმა ავიადარტყმები ობიექტეზბე პარასკევს, 2 თებერვალს, საღამოს განახორციელა.
„აშშ-ის ცენტრალური სარდლობის ძალებმა საჰაერო თავდასხმები განახორციელეს ერაყსა და სირიაში ისლამური რევოლუციის გუშაგთა კორპუსის და მასთან დაკავშირებული მებრძოლებისწინააღმდეგ.
დარტყმები განხორციელდა 85-ზე მეტი სამიზნეზე მრავალი თვითმფრინავის გამოყენებით, მათ შორის შორი დისტანციური ბომბდამშენებით.
ავიადარტყმების დროს გამოყენებული იქნა 125-ზე მეტი ზუსტი მართვადი ბომბები. სამიზნეები მოიცავდა სამეთაურო და საკონტროლო ოპერატიულ ცენტრებს, დაზვერვის ცენტრებს, რაკეტებისა და თვითმფრინავების შესანახ ობიექტებს, ლოგისტიკისა და საბრძოლო მასალის მიწოდების ქსელს მებრძოლებისთვის და მათი სპონსორის - ისლამური რევოლუციის გუშაგთა კორპუსისთვის ,რომლებიც ხელს უწყობდნენ თავდასხმებს აშშ-სა და კოალიციის ძალებზე.
