უკრაინის პრეზიდენტმა ვოლოდიმირ ზელენსკიმ ვიდეომიმართვისას განაცხადა, რომ უკრაინაში კიდევ ორი საჰაერო თავდაცვის ახალი სისტემა ჩავიდა, რომლებიც „ყველაფერს ანადგურებენ“.
„დღეს კი მთავარი სიახლე არის ის, რომელსაც ყველა დიდი ხანია ველოდით, რაზეც თვეების განმავლობაში ვმუშაობდით სხვადასხვა დონეზე. შედეგი არის ის, რომ კიდევ ორი საჰაერო თავდაცვის ახალი სისტემა შემოვიდა უკრაინაში. ყველა დეტალს, რა თქმა უნდა, საჯაროდ ვერ ვიტყვი, მაგრამ სისტემები ყველაფერს ანადგურებს. ჩვენ დავიცავთ რეგიონებს. სისტემები ჯერ არ არის საკმარისი უკრაინის სრულად დასაცავად, მაგრამ ჩვენ ამისთვის ყოველდღე ვმუშაობთ", - თქვა ზელენსკიმ.
