შეერთებული შტატების სენატის საგარეო ურთიერთობათა კომიტეტის თავმჯდომარის, ბენ კარდის განცხადებით, უნგრეთის ხელისუფლების პოლიტიკა მას ნატოს ყველაზე არასანდო წევრად აქცევს, ამიტომ ბუდაპეშტის წინააღმდეგ სანქციები უნდა დაწესდეს. ინფორმაციას Bloomberg-ი ავრცელებს.
ბენ კარდინმა მკაცრად დაგმო უნგრეთის პრემიერ-მინისტრ ვიქტორ ორბანის მცდელობა, შეეფერხებინა ევროკავშირის მიერ უკრაინისთის 50-მილიარდიანი დახმარების გამოყოფა.
ამასთან, სენატორმა პროტესტი გამოთქვა უნგრეთის მიერ ნატო-ში შვედეთის გაწევრიანების გაჭიანურებასთან დაკავშირებით.
კარდინის თქმით, თეთრმა სახლმა ორბანზე „მაგნიტსკის აქტი“ უნდა გაავრცელოს და იმსჯელოს უნგრეთის ამორიცხვაზე იმ ქვეყნების სიიდან, რომელთა მოქალაქეები აშშ-ში უვიზოდ მოგზაურობენ.
კიდევ ორმა სენატორმა, დემოკრატმა ჯინ შაჰინმა და რესპუბლიკელმა ტომ ტილისმა, განაცხადა, რომ ორბანი რისკავს, შეუქცევადად დააზიანოს უნგრეთის ურთიერთობები შეერთებულ შტატებსა ნატოსთან, თუ ის უსწრაფესად არ დაეთანხმება შვედეთის ჩრდილოატლანტიკურ ალიანსში გაწევრიანებას.
უნგრეთის პრემიერ-მინისტრი ორბანი რეგულარულად აკრიტიკებს აშშ-ის პოლიტიკას ევროკავშირთან მიმართებით და აცხადებს, რომ ვაშინგტონს გადაჭარბებული გავლენა აქვს ბლოკზე.
"ხშირად მეუფლება განცდა, რომ ისინი [ევროპელი პარტნიორები] მიჰყვებიან ამერიკის ინტერესებს და არა ევროპულ ინტერესებს გარკვეული გადაწყვეტილებებით," - თქვა ორბანმა.
ცოტა ხნით ადრე, ორბანმა დაადასტურა, რომ უნგრეთის პარლამენტი მოახდენს შვედეთის ნატოში გაწევრიანების პროტოკოლის რატიფიცირებას, მაგრამ მანამდე სურს, ბუდაპეშტში უმასპინძლოს შვედ კოლგას. ამ უკანასკნელმა უარყო ორბანის მოწვევა და განაცხადა, რომ უნგრეთში პროტოკოლის რატიფიცირების შემდეგ გაეშურება.
