ჩინეთში სიკვდილით დასაჯეს წყვილი, რომელთაც ბრალად ედებოდათ კაცის პირველი ქორინებიდან ორი შვილის - 2 წლის გოგონასა და 1 წლის ბიჭის მკვლელობა. იუწყება BBC.
სასტიკმა დანაშულმა მთელი ქვეყანა განარისხა.
როგორც იუწყებიან, კაცმა და მისმა მეგობარმა ქალმა დანაშაული დაგეგმეს იმგვარად, რომ პოლიციას ეფიქრა, თითქოს მაღალსართული კორპუსის ფანჯრიდან ბავშვები შემთხვევით გადავარდნენ.
ჩინური მედია, უზენაესი სასამართლოს გადაწყვეტილებაზე დაყრდნობით წერს, რომ მეგობარი ქალი კაცის შვილებს ქორწინებაში „დაბრკოლებად“ და „მომავალი ერთობლივი ცხოვრების ტვირთად“ მიიჩნევდა. იუწყებიან, რომ ქალმა არაერთხელ მოუწოდა კაცს შვილების მკვლელობისკენ და ემუქრებოდა დაშორებით, თუ ამას არ გააკეთებდა.
2020 წლის ნოემბერში კაცმა თავისი 2 წლის ქალიშვილის და 1 წლის ვაჟი მე-15 სართულზე არსებული ბინის ფანჯრიდან გადააგდო. ბავშვები ადგილზე დაიღუპნენ.
მკვლელებს სიკვდილით დასჯა ჯერ კიდევ 2021 წლის დეკემბერში მიუსაჯეს, მაგრამ განაჩენი მხოლოდ ახლ აღსრულდა.
უცნობია, როგორ განხორციელდა სიკვდილით დასჯა, თუმცა ჩინეთში სასიკვდილო განაჩენი აღესრულება ორი მეთოდით - სასიკვდილო ინექცია ან დახვრეტა.
ჩინეთის უზენაესი სასამართლო თავის გადაწყვეტილებაში წერს, რომ წყვილის დანაშაული „სერიოზულად აყენებს კითხვის ნიშნის ქვეშ სამართლებრივ და მორალურ პრინციპებს“, ხოლო დანაშაულის მოტივი „უკიდურესად ამაზრზენი და განსაკუთრებულად სასტიკია“.
