უნგრეთის პრემიერ-მინისტრმა ვიქტორ ორბანმა განმარტა, თუ რატომ დათანხმდა, ხანგრძლივი წინააღმდეგობის შემდეგ, უკრაინისთვის ევროკავშირის ბიუჯეტიდან 50 მილიარდი ევროს დახმარების ხალი პაკეტის გამოყოფას.
"კედელს დავეჯახე", - თქვა ორბანმა უნგრულ მედიასთან ინტერვიუში. მისი თქმით, თუ შეთანხმება არ იქნებოდა მიღწეული და ბუდაპეშტი გააგრძელებდა ვეტოს უფლების გამოყენებას, მაშინ ევროკავშირის დარჩენილი 26 წევრი დათანხმდებოდა უკრაინაში, თანხის გაგზავნას. რომელსაც ვერ შეაჩერება. „ისინი უნგრეთისთვის გამოყოფილ თანხებსაც უკრაინაში გააგზავნიდნენ, როგორ შეიძლებოდა ეს უკეთესი ყოფილიყო?" - თქვა ორბანმა.
ვიქტორ ორბანმა ხაზგასმით აღნიშნა, რომ უნგრეთი არ აწვდის უკრაინას იარაღს, მაგრამ ბუდაპეშტი გამოიყენებს ბრიუსელის სახსრებს და დაეხმარება უკრაინას სამოქალაქო საჭიროებების დაფინანსებაში. მან კიდევ ერთხელ გაიმეორა, რომ სამშვიდობო მოლაპარაკებები უნდა დაიწყოს კიევსა და მოსკოვს შორის და დრო, როგორც მან აღნიშნა, „ახლა მუშაობს რუსეთისთვის“.
„ვფიქრობ, დრო რუსების მხარესაა. რაც უფრო დიდხანს გაგრძელდება ომი, მით მეტი ადამიანი დაიღუპება და ძალთა ბალანსი არ შეიცვლება უკრაინის სასარგებლოდ“, – თქვა ორბანმა.
