გერმანიის კანცლერი ოლაფ შოლცი მიიჩნევს, რომ ევროპის ქვეყნები საკმარისს არ აკეთებენ უკრაინის დასახმარებლად რუსეთის წინააღმდეგ ომში.
შოლცმა აღნიშნა: ”ბევრ დედაქალაქში უნდა დაისვას შეკითხვა: ნამდვილად ვაკეთებთ საკმარისს?”
”პასუხი უმეტეს შემთხვევაში შეიძლება იყოს მხოლოდ ”არა”, - თქვა შოლცმა.
ამასთან, მან ხაზგასმით აღნიშნა, რომ გერმანია, რომელიც უკრაინის ყველაზე დიდი მხარდამჭერია ევროპაში სამხედრო დახმარების კუთხით, დამოუკიდებლად ვერ უზრუნველყოფს ამ დახმარებას.
საერთო ჯამში შოლცმა თქვა, რომ კმაყოფილია ბრიუსელში ევროკავშირის სამიტის შედეგებით. ის ფაქტი, რომ ევროკავშირის 27-მა წევრმა ქვეყანამ გზა გაუხსნა უკრაინის ახალი დახმარების პაკეტს, კარგია არა მხოლოდ უკრაინისთვის, არამედ ევროკავშირისთვისაც.
”ეს იყო ძალიან წარმატებული სამიტი”, - თქვა შოლცმა.
შეგახსენებთ, ევროკავშირმა უკრაინისთვის 50 მილიარდი ევროს დახმარების გამოყოფის საკითხი დაამტკიცა.
