უკრაინის თავდაცვის სამინისტროს მთავარი სადაზვერვო სამმართველოს სპეცრაზმმა ყირიმში რუსული სარაკეტო კატერი „ივანოვეცი“ გაანადგურა. დეპარტამენტის ცნობით, ოპერაცია იმ დროს ჩატარდა, როცა გემი შავ ზღვაში დონუზლავის ტბასთან პატრულირებდა.
„რუსულმა გემმა დაზიანება მიიღო, რის შემდეგაც მოძრაობა ვეღარ გააგრძელა. „ივანოვეცი“ უკან გადაიხარა და ჩაიძირა“, - აცხადებენ სადაზვერვო მთავარი სამმართველოში.
სარაკეტო კატერის განადგურების ოპერაცია Group 13-ის სპეცრაზმის ჯარისკაცებმა უკრაინის ციფრული ტრანსფორმაციის სამინისტროსა და პლატფორმა United24-ის მხარდაჭერით განახორციელეს.
ოკუპანტებისთვის სარაკეტო გემის ჩაძირვა უდიდესი დანაკარგია, რადგან რუსეთის შავი ზღვის ფლოტში ასეთი მხოლოდ სამია.
ბორტზე დაახლოებიტ 40 მეზღვაური იმყოფებოდა.
დაზვერვის მთავარი სამმართველო აღნიშნავს, რომ კატერის ღირებულება დაახლოებით 60-70 მილიონი დოლარია.
