შეერთებული შტატები აქტიურად განიხილავს სუვერენული პალესტინური სახელმწიფოს დაარსების გზებს, ისრაელის უსაფრთხოების გარანტიებთან ერთად და იკვლევს რეგიონში პარტნიორებთან მუშაობის ვარიანტებს. განაცხადა სახელმწფიო დეპარტამენტის წარმომადგენელმა.
მეთიუ მილერმა უარი თქვა დეტალების დაკონკრეტებაზე, თუმცა თქვა, რომ ამ მიმართულებით მუშაობა პრეზიდენტ ჯო ბაიდენის ადმინისტრაციის ერთ-ერთი მიზანია.
"ჩვენ აქტიურად ვაგრძელებთ მუშაობას დამოუკიდებელი პალესტინური სახელმწიფოს დაარსებაზე, ისრაელის უსაფრთხოების რეალური გარანტიებით. გვჯერა, რომ ეს არის საუკეთესო გზა ისრაელისთვის, პალესტინისთვის და მთელ რეგიონში გრძელვადიანი მშვიდობისა და უსაფრთხოების დასამყარებლად", - თქვა მან.
მილერის თქმით, ამ მიზნის მისაღწევად საჭიროა მთელი რიგი ამოცანების შესრულება პარტნიორებთან თანამშრომლობით.
გამოცემა Axios-ი ოთხშაბათს იტყობინებოდა, რომ სახელმწფიო მდივანმა ბლინკენმა თავის დეპარტამეტნს სთხოვა, განიხილონ და წარმოადგინონ პალესტინური სახელმწიფოს დაარსების და მისი საერთაშორისოდ აღიარების ვარიანტები, ღაზაში ომის დასრულების შემდეგ.
ამავდრულად, ბრიტანეთის საგარეო საქმეთა მდივნმა დევიდ კამერონმა განუცხადა ბრიტანელ კანონმდებლებს, რომ ლონდონი და მისი მოკავშირეები განიხილავენ პალესტინური სახელმწიფოს აღიარებას, მათ შორის გაეროში.
ისრაელის პრემიერ-მინისტრი ბენიამინ ნეთანიაჰუ ეწინააღმდეგება პალესტინური სახელმწიფოს დაარსების იდეას და აცხადებს, რომ მდინარე იორდანეს დასავლეთით მდებარე მთელ ტერიტორიასა და ღაზას სექტორზე კონტროლი ისრაელს უნდა ჰქონდეს.
