პოლიტიკის საკითხებში შეერთებული შტატების სახელმწიფო მდივნის მოადგილის ვიქტორია ნულანდის განცხადებით, 2024 წელი სტრატეგიული მნიშვნელობისაა და ის გარკვეულ წარმატებებს მოუტანს უკრაინას ბრძოლის ველზე.
ნულანდმა აღნიშნულთან დაკავშირებით კიევში, ჟურნალისტებთან საუბრისას განაცხადა.
მისივე თქმით, იგი კიევს ოპტიმიზმით აღსავსე ტოვებს.
"დარწმუნებული ვარ, მიუხედავად იმისა, რომ უკრაინა თავდაცვას აძლიერებს, ბატონ პუტინს ბრძოლის ველზე სასიამოვნო სიურპრიზები ელის და უკრაინას წელს დამაჯერებელი მიღწევები ექნება", - თქვა მან.
როგორც ნულანდმა აღნიშნა, ის დარწმუნებულია, რომ კონგრესი მხარს დაუჭერს უკრაინის დახმარების პაკეტს.
აშშ-ის სახელმწიფო მდივნის მოადგილე კიევს 31 იანვარს ეწვია. მან შეხვედრები გამართა უკრაინის მთავრობის წევრებთან, სამოქალაქო საზოგადოების წევრებსთა და ვეტერანებთან.
