აშშ-ის სახელმწიფო მდივნის მოადგილე პოლიტიკის საკითხებში ვიქტორია ნულანდი კიევში ჩავიდა.
ამის შესახებ Twitter -ში აშშ-ის ელჩი უკრაინაში ბრიჯიტ ბრინკი წერს.
ბრინკმა კიევის რკინიგზის სადგურზე ნულანდთან შეხვედრის ფოტო გამოაქვეყნა.
მან აღნიშნა, რომ დაგეგმილია სახელმწიფო მდივნის მოადგილის შეხვედრა უკრაინის მთავრობის წარმომადგენლებთან, სამოქალაქო საზოგადოებასა და ვეტერანებთან.
ბრინკმა აღნიშნა, რომ ნულანდის ვიზიტი „ხაზს უსვამს ჩვენს საერთო ვალდებულებას უკრაინაში რუსული აგრესიის დამარცხებისადმი".
