30 იანვარს ევროპის პარლამენტმა განაცხადა, რომ იწყებს მოვკლევას ლატვიელ ევროპარლამენტარ ტატიანა ჟდანოკის საქმიანობის შესახებ, რომელიც ჟურნალისტური გამოძიების თანახმად, ორი ათეული წლის განმავლობაში მოსკოვის სასარგებლოდ ჯაშუშურ საქმიანობას ეწეოდა.
დამოუკიდებელი რუსული გამოცემის The Insider-ის თანახმად, ჟდანოკმა რუსეთის ფედერალური უსაფრთხოების სამსახურთან თანამშრომლობა 2004 წლიდან დაიწყო. ჟდანოკი ევროპარლამენტარი 2004 წელს გახდა.
მედიის მიერ მომზადებული ანგარიში, რომელიც ჟდანოკსა და მის რუს კურატორებს შორის ელექტრონული ფოსტით მიმოწერას ეფუძნება, ცხადჰყოფს, რომ ევროპარლამენტარი მოქმედებდა, როგორც „რუსული დაზვერვის სანდო აქტივი“, რომელიც მოსკოვს აწვდიდა „მკაფიო, დეტალურ ანგარიშებს“ ევროპარლამენტში მისი საქმიანობის შესახებ.
გამოძიება, რომელშიც სხვა მედიასაშუალებებიც იყვნენ ჩართული, ამბობს, რომ ჟდანოკი ღია ადვოკატირებას უწევდა მოსკოვს როგორც ბრიუსელში, ასევე რიგაში მთელი თავისი მოღვაწეობის განმავლობაში.
ელექტრონული ფოსტით მიმოწერა ასახვს პირად შეხვედრებს ჟდანოკსა და მის რუს კურატორებს შორის მოსკოვსა და ბრიუსელში. ასევე, ჟდანოკის მიერ რუსეთიდან დაფინანსების მოთხოვნას მისი პოლიტიკური საქმიანობისთვის, ლატვიასა და ბრიუსელში.
ევროპარლამენტის პრეზიდენტი რობერტა მეცოლა „ამ ბრალდებებს ძალიან სერიოზულად იღებს და საქმეს ეთიკის კოდექსის მრჩეველთა კომიტეტს გადასცემს“, - თქვა მეცოლას სპიკერმა.
„ეს ნიშნავს, რომ ევროპარლამენტში გამოძიება დაიწყო“.
ეს საკითხი ოთხშაბათს პარლამენტის პოლიტიკური ლიდერების შეხვედრის დღის წესრიგშიც იქნება.
ეთიკის კოდექსის დარღვევის დადგენის შემთხვევაში, ევროპარლამენტის პრეზიდენტი იღებს გადაწყვეტილებას დამრღვევის მიმართ სანქციების დაწესების შესახებ, რომელიც ევროპარლამენტის პლენარულ სხდომაზე გამოცხადდება.
ამის შემდეგ განიხილება საკითხის ევროპარლამენტის წევრისთვის უფლებამოსილების ჩამორთმევის თაობაზე.
