რუსეთის სახალხო კავშირის თავმჯდომარემ სერგეი ბაბურინმა საპრეზიდენტო არჩევნებში კანდიდატურა მოხსნა. ამის შესახებ რუსეთის ფედერაციის ცენტრალურმა საარჩევნო განაცხადა.
სააგენტო „ინტერფაქსის“ ცნობით, ბაბურინმა კანდიდატურის მოხნის შესახებ მას შემდეგ განაცხადა, რაც ცენტრალურ საარჩევნო კომისიაში თავისი კანდიდატურის მხარდასაჭერად ხელმოწერებით სავსე 19 ყუთი წარადგინა.
ბაბურინმა თავისი გადაწყვეტილება იმით ახსნა, რომ „სამშობლოსთვის რთულ ვითარებაში, ხალხის დაქუცმაცების დრო არ არის“ და მოუწოდა „რუსეთის ყველა ეროვნულად მოაზროვნე მოქალაქეს“, ხმა მისცენ მოქმედ პრეზიდენტს.
ამავდროულად, რუსეთის დემოკრატიულმა პარტიამ განაცხადა, რომ მისმა კანდიდატმა ირინა სვირიდოვამ მოხსნა თავისი კანდიდატურა. პარტიის თავმჯდომარის განცხადებით, სვირიდოვამ ვერ შეძლო კანდიდატად რეგისტრირებისთვის საჭირო მხარდამჭერთა ხელმოწერების შეგროვება. პარტიამ პუტინს გამოუცხადა მხარდაჭერა.
ამ დროისთვის, რუსეთის საპრეზიდენტო კამპანიაში 9 კანდიდატი მონაწილეობს. მათგან ოთხი ცენტრალურმა საარჩევნო კომისიამ უკვე დაარეგისტრირა ოფიციალურად, როგორც საპრეზიდენტო კანდიდატი - მოქმედი პრეზიდენტი პუტინი, ლიბერალ-დემოკრატიული პარტიის ლიდერი ლეონიდ სლუცკი, დუმის ვიცე-სპიკერი, პარტია "ახალი ხალხის" წევრი ვლადისლავ დავანკოვი, დუმის დეპუტატი კომუნისტური პარტიიდან ნიკოლაი ხარიტონოვი.
საპრეზიდენტო არჩევნები რუსეთის ფედერაციაში მიმდინარე წლის 15-დან 17 მარტამდე გაიმართება.
