ვფიქრობ, ძალიან რთულ მომენტში ვიმყოფებით, თუმცა გეოპოლიტიკურად და ფინანსურად რუსეთის შეჩერება მაინც შესაძლებელია, – ამის შესახებ უკრაინის პრეზიდენტმა, ვოლოდიმირ ზელენსკიმ გერმანიის საზოგადოებრივ მაუწყებელთან, ARD-სთან ინტერვიუში განაცხადა.
ჟურნალისტმა ზელენსკის ჰკითხა, აძლევს თუ არა რაიმე იმედს, რომ ომი წელს დასრულდება.
„უნდა გჯეროდეს საკუთარი თავის, გჯეროდეს ხალხის, უკრაინის, გჯეროდეს პარტნიორების და გჯეროდეს მშვიდობის, რადგან ნებისმიერი ომი მთავრდება.
ვფიქრობ, რომ ძალიან რთულ მომენტში ვართ, როგორც გეოპოლიტიკური, ასევე ფინანსური თვალსაზრისით, თუმცა რუსეთის შეჩერება მაინც შესაძლებელია. შესაძლებელია უკრაინის განადგურების ჩვენი ერის განადგურების, გლობალური მიგრაციის, მესამე მსოფლიო ომის თავიდან აცილება“, - განაცხადა ზელენსკიმ.
