საუდის არაბეთის დედაქალაქ ერ რიადში, ალკოჰოლური სასმელების პირველი მაღაზია გაიხსნება, რომელიც ექსკლუზიურად მოემსახურება არამუსლიმ დიპლომატებს.
როგორც Reuters წერს, მომხმარებელი მობილური აპლიკაციის საშუალებით უნდა დარეგისტრირდეს, მიიღოს წვდომის კოდი საგარეო საქმეთა სამინისტროდან და შეასრულოს ყოველთვიური შესყიდვის კვოტები. ახალი მაღაზია განთავსდება ერ რიადის დიპლომატიურ კვარტალში, სადაც განთავსებულია საელჩოები. შესვლა მკაცრად შეიზღუდება. მანამდე ალკოჰოლი ხელმისაწვდომი იყო მხოლოდ დიპლომატიური ფოსტის მეშვეობით ან შავ ბაზარზე.
ეს ნაბიჯი არის სამეფოს მცდელობების მთავარი ეტაპი, გაიხსნას ულტრაკონსერვატიული მუსლიმური ქვეყანა ტურიზმისა და ბიზნესისთვის. ის ასევე არის უფრო ფართო გეგმის ნაწილი, რომელიც ცნობილია, როგორც Vision 2030, რათა შეიქმნას პოსტნავთობის ეკონომიკა.
საუდის არაბეთმა, რომელიც შედარებით დახურული იყო ათწლეულების განმავლობაში, ბოლო წლებში შეარბილა მკაცრი სოციალური კოდექსები, როგორიცაა ქალებისა და კაცების გაყოფა საზოგადოებრივ ადგილებში, ასევე ქალებისთვის მთლიანად დახურული, შავი სამოსის ტარების მოთხოვნა. ტახტის მემკვირდე პრინცი მუჰამედ ბინ სალმანის ძალაუფლების გამყარებას თან ახლდა ისეთი ცვლილებები, როგორიცაა ქვეყნის გახსნა არარელიგიური ტურიზმისთვის, კონცერტები და ქალებისთვის მანქანის მართვის უფლება.
