გერმანიის კანცლერმა ოლაფ შოლცმა მოუწოდა ევროპის ქვეყნებს გაზარდონ იარაღის მიწოდება უკრაინისთვის, რადგან შესაძლოა, შეერთებული შტატების დახმარება შეჩერდეს.
ამის შესახებ შოლცმა გამოცემა Die Zeit-სთან ინტერვიუში განაცხადა.
„ევროპამ მეტი უნდა გააკეთოს უკრაინის თავდაცვის მხარდასაჭერად. თანხა, რომელიც ევროპულმა ქვეყნებმა 2024 წლისთვის გამოყვეს, ჯერ კიდევ არ არის საკმარისი“, - თქვა შოლცმა.
შოლცმა განაცხადა, რომ უნდა იმსჯელონ, თითოეულ ქვეყანას თუ როგორ შეუძლია "მნიშვნელოვნად გაზარდოს მხარდაჭერა" კიევისთვის.
გერმანიის კანცლერის თქმით, ის ძალიან გაღიზიანებულია, რომ გერმანიას მუდმივად აკრიტიკებენ იმის გამო, რომ მისი ძალისხმევა არ არის საკმარისი, მაშინ როდესაც ის იმაზე ბევრად მეტს აკეთებს, ვიდრე ევროკავშირის ყველა სხვა ქვეყანა.
შოლცის განცხადებით, უკრაინისთვის ევროპული იარაღის გადაცემის ნახევარზე მეტი გერმანიაზე მოდის. „ქედმაღლობა იქნება ვიფიქროთ, რომ ჩვენ ამას მარტო გავაკეთებთ გრძელვადიან პერსპექტივაში”, - განაცხადა შოლცმა.
