დიდი ბრიტანეთის გენშტაბის მეთაური პატრიკ სანდერსი აცხადებს, რომ ბრიტანეთის საზოგადოება მორალურად უნდა მომზადოს იმისათვის, რომ რუსეთთან ომის შემთხვევაში ბრიტანალებს არმიის რიგებში ჩადგომა მოუწევთ. იუწყება Politico
გენერალმა განაცხადა, რომ ბრიტანეთის ხელისუფლებამ მორალურად უნდა განაწყოს საზოგადოება, რომ მომავალში შესაძლოა, რუსეთთან ბრძოლა მოუწიოთ და ასეთ შემთხვევაში ბრტანელებმა არმიაში უნდა იმსახურონ. პატრიკ სანდერსმა განაცხადა, რომ არ ემხრობა საყოველთაო მობილიზაციას, თუმცა ხედავს საზოგადოებაში იმის გაცნობიერების აუცილებლობას, რომ რუსეთთან სამხედრო კონფლიქტი მოსალოდნელია.
მსგავსი განცხადებები ბოლო დროს ბევრ ქვეყნაში ისმის.
გერმანიის თავდაცვის მინისტრი ვარაუდობს, რომ რუსეთი ნატო-ს რომელმე წევრს შესაძლოა 5-8 წლის შემდეგ თავს დაესხას.
ნიდერლანდელმა ადმირალმა რობ ბაუერმა კი არაპროგნოზირებად ეპოქაში, რომლის დროსაც შესაძლოა, ყველაფერი მოხდეს, ალიანსის ტრანსფორმაციიკენ მოუწოდა.
შვედეთის შეიარაღებული ძალების მთავარსარდალმა მიქაელ ბიუდენმა და სამოქალქო თავდაცვის მინისტრმა კარლ-ოსკარ ბოლინმა განაცხადეს, რომ ქვეყნის ყველა მოქალაქე ომისთვის მზად უნდა იყოს.
ნორვეგიის შეიარაღებული ძალების მთავარსარდალმა მოუწოდა არ დაკარგონ „შესაძლებლობის ფანჯარა“ რუსეთთან პოტენციური პირდაპირი დაპირისპირებისთვის მოსამზადებლად, რადგან ეს დრო შეიძლება რამდენიმე წელიწადში დასრულდეს.
