უკრაინის თავდაცვის მინისტრმა რუსტემ უმეროვმა ბელგიელ კოლეგასთან ლუდივინ დედონდერთან სატელეფონო საუბრის შემდეგ განაცხადა, რომ ბელგია წელს უკრაინას 611 მილიონი ევროს სამხედრო დახმარებას გამოუყოფს.
თავდაცვის მინისტრებმა ფრონტზე ბოლო მოვლენები და ქვეყნებს შორის თავდაცვის სფეროში თანამშრომლობის პერსპექტივები განიხილეს.
"ძალიან ვაფასებ ბელგიის ურყევ მხარდაჭერას უკრაინის მიმართ. წელს ბელგია გეგმავს 611 მილიონი ევროს სამხედრო დახმარების გაწევას წელს და აქვს გრძელვადიანი ვალდებულება მხარი დაუჭიროს ჩვენი თავდაცვის ძალების მოდერნიზაციას", - წერს უმეროვი.
უმეროვმა ასევე მადლობა გადაუხადა ბელგიას საჰაერო ძალების გაძლიერების კოალიციაში მონაწილეობისთვის, კერძოდ, პილოტების მომზადების პროგრამაში.
გასულ შემოდგომაზე ბელგიამ განაცხადა, რომ 2025 წლიდან უკრაინაში რამდენიმე F-16 გამანადგურებელს გაგზავნის.
