მთელ მსოფლიოში კვირას, 21 იანვარს, გაიმართა აქციები ლოზუნგით „რუსეთი პუტინის გარეშე“, რომელიც მიეძღვნა რუსი ოპოზიციონერი პოლიტიკოსის ალექსეი ნავალნის რუსეთში დაბრუნების სამი წლისთავს.
პირველი აქციები გაიმართა ავსტრალიასა და ახალ ზელანდიაში, რომელშიც რამდენიმე ათეული ადამიანი მონაწილეობდა.
თბილისში აქცია საქართველოს პარლამენტის შენობასთან გაიმართა. მის მონაწილეებს გამოტანილი ჰქონდათ პლაკატები ომისა და პუტინის წინააღმდეგ, ასევე პლაკატები ნავალნისა და სხვა პოლიტპატიმრების მხარდასაჭერად.
აქციები გაიმართა ერევანში, კრაკოვში, რიგაში, ტალინში, ვილნიუსში, დუბლინში, პარიზსა და ევროპის სხვა ქალაქებში. ბერლინში რამდენიმე ასეული ადამიანი მივიდა ბრანდენბურგის კარიბჭესთან. აქციის მონაწილეებს გამოტანილი ჰქონდათ პლაკატები წარწერებით: "რუსეთი პუტინის გარეშე", "არა ომს" და "თავისუფლება ნავალნის". კიოლნში მსგავს ღონისძიებაში ორასამდე ადამიანი მონაწილეობდა. აქციები ასევე დააანონსებულია ჩრდილოეთ და სამხრეთ ამერიკის ქალაქებში.
ალექსეი ნავალნი რუსეთში 2021 წლის 17 იანვარს დაბრუნდა გერმანიაში რამდენიმეთვიანი ყოფნის შემდეგ, სადაც მკურნალობდა და რეაბილიტაციის კურსი გაიარა ნერვული აგენტით „ნოვიჩოკით მოწამვლის შემდეგ.
ნავალნი სამართალდამცველებმა მოსკოვის „შერემეტიევოს“ აეროპორტში დააკავეს. ე .წ. "ივ როშეს" საქმეზე მას 2 წლითა და რვა თვით პატიმრობა მიუსაჯეს. 2022 წლის მარტში ნავალნი ასევე დამნაშავედ ცნეს „თაღლითობისთვის“, შემდეგ კი „სასამართლოს შეურაცხყოფაში“ დაადანაშაულეს და 9 წლით თავისუფლების აღკვეთა მიუსაჯეს.
2023 წლის აგვისტოს დასაწყისში სასამართლომ ნავალნის 19 წელი მიუსაჯა ე.წ. ექსტრემიზმის საქმეზე.
