ისრაელის არმიამ ღაზის სეტქორში „ჰამასის“ მებრძოლთა მხოლოდ 20-30 პროცენტი გაანადგურა. ამის შესახებ The Wall Street Journal ამერიკის დაზვერვის წყაროებზე დაყრდნობით იუწყება. როგორც გამოცემა აღნიშნავს, ეს იმას ნიშნავს, რომ ისრაელმა ამ ეტაპზე ვერ შეძლო დასახული მიზნის შესრულება - გაენადგურებინა „ჰამასი“. ეს ასევე აჩვენებს დაჯგუფების სიმტკიცეს რამდენიმეთვიანი ომის განმავლობაში.
აშშ-ის დაზვერვის მონაცემებით, „ჰამასი“ ჯერ კიდევ ფლობს შეირაღების საკმარის როდენობას, რათა გააგრძელოს დარტყმები ისრაელისა და ღაზის სექტორში ისრაელელი სამხედროების წინააღმდეგ რამდენიმე თვის განმავლობაში. უფრო მეტიც, „ჰამასი“ ცდილობს აღადგინოს პოლიციის მუშაობა ქალაქ ღაზის რამდენიმე რაიონში.
ამასთან, ისრაელის წარმომდგენლებმაც აღიარეს, რომ ღაზის სექტორში აგრესიული სამხედრო ოპერაციის მიუხედავად, რომლის დროსაც ათასობით მშვიდობიანი მოქალაქე დაიღუპა, ვერ შეძლეს „ჰამასის“ განადგურება.
მებრძოლებმა თავიანთი ტაქტიკის კორექტირება მოახდინეს და მოქმედებენ მცირე ჯგუფებით და ისრაელელ სამხედროებს ჩასაფრებებს უწყობენ.
აშშ-ის შეფასებით, ომამდე პოლიციისა და სხვა ძალოვანების გარდა, „ჰამასს“ 25-30 ათასი მებრძოლი ჰყავდა. ისრაელელი სამხედროები აცხადებენ, რომ ღაზის სექტორში ომის დაწყებიდან განადგურებულია 9 ათასამდე „ჰამასელი“. კიდევ ათასამდე მებრძოლი მოკლული იქნა 7 ოქტომბერს ისრაელზე თავდასხმისას.
ისრაელის შეფასებით, კიდევ 16 ათასამდე მებრძოლი დაიჭრა, მათგან დაახლოებით ნახევარი კი ძალების აღდგენას ვერ შეძლებს. ამავე დროს, აშშ-ში ვარაუდობენ, რომ დაჭრილი „ჰამასელების“ რაოდენობა გაცილებით ნაკლებია და 10 500-დან 11 700-მდე ადამიანს შეადგენს. მათივე ვარაუდით, დაჭრილების უმეტესობას ბრძოლის გაგრძელება შეუძლია.
გამოცემის წყაროები აღნიშნავენ, რომ ამერიკული სამხედრო დოქტრინის თანახმად, სამხედრო ოპერაცია, რომლის შედეგადაც მოწინააღმდგეს პირადი შემადგენლობის 25-30 პროცენტი დანაკარგი აქვს, არაფექტიანად არის აღიარებული. ისრაელს, ოფიციალური მონაცემებით, 190 დღუპული და 1 200 დაჭრილი სამხედრო ჰყავს.
