ავღანეთში ჩამოვარდა კერძო თვითმფრინავი, რომლის ბორტზეც რუსეთის მოქალაქეები იმყოფებოდნენ. თვითმფრინავი მოსკოვისკენ მიემართებოდა.
როსავიაციის ცნობით, თვითმფრინავი Falcon 10, რომელიც ჩარტერულ რეისს ინდოეთის ქალაქ გაიადან ჟუკოვსკის მიმართულებით ასრულებდა, ავღანეთში რადარებიდან გაქრა.
ბორტზე დავარაუდოდ, ექვსი ადამიანი იმყოფებოდა, ეკპაჟის ოთხი წევრი და ორი მგზავრი.
წინასწარი მონაცემებით, კერძო თვითმფრინავის კატასტროფა, შესაძლოა ტექნიკურმა გაუმართაობამ გამოიწვია. მიმდინარეობს სამაშველო ოპეარცია. თვითმფრინავი „ატლეტიკ ჯგუფს“ და კერძო პირს ეკუთვნოდა.
ავღანეთის პოლიციამ ავიაკატასტროფის შესახებ ინფორმაცია ბადახშანის პროვინციაში მიიღო.
