ომი უკრაინაში სულ მცირე ორ წელს გაგრძელდება, მაშინაც კი, თუ შეერთებული შტატები სრულად შეწყვეტს კიევის მხარდაჭერას არჩევნებში დონალდ ტრამპის გამარჯვების შემდეგ. ამის შესახებ CNN ამერიკული დაზვერვის მონაცემებსა და ამერიკელ პოლიტიკოსებზე დაყრდნობით წერს.
ტრამპმა მანამდე განაცხადა, რომ თეთრ სახლში დაბრუნების პირველივე დღეს დაასრულებს ომს უკრაინაში. დემოკრატიული პარტიის სპიკერმა მაიკ ქუიგლიმ CNN-ს განუცხადა, რომ ეს შესაძლოა, გავიგოთ, როგორც ტრამპის გეგმები, პუტინს მისცეს უფლება შეინარჩუნოს ის ტერიტორიები, რომლებიც უკვე დაიპყრო. თუმცა, ცოტას თუ სჯერა, რომ ტრამპის ასეთი იდეები რეალურად შეაჩერებს ომს.
„მიუხედავად იმისა, თუ რა მოხდება წელს ამერიკულ პოლიტიკაში, აშშ-ისა და დასავლური დაზვერვის წარმომადგენლები მიიჩნევენ, რომ რუსეთის ომი უკრაინაში, სავარაუდოდ, გაცილებით მეტხანს გაგრძელდება“, - წერს CNN.
როგორც გამოცემა აღნიშნავს ომის ხანგრძლივობის შეფასებები განსხვავებულია, მაგრამ ფაქტობრივად ყველა ექსპერტი ვარაუდობს, რომ კიდევ ორ წელს მაინც გაგრძელდება. ზოგიერთი ამერიკელი და დასავლელი ოფიციალური პირი ამბობს, რომ ბრძოლა შესაძლოა, გაგრძელდეს კიდევ ხუთი წლის განმავლობაში.
ამერიკელი და დასავლელი ოფიციალური პირები აცხადებენ, რომ უკრაინისადმი დასავლეთის მუდმივი მხარდაჭერა გადამწყვეტია ბრძოლის გასაგრძელებლად. აშშ-ის დაზვერვის წარმომადგენლებ დარწმუნებულები არიან, რომ დახმარების შემცირებას მოკლევადიან პერსპექტივაში, დიდი გავლენა ექნება ბრძოლის ველზე. მაგრამ გრძელვადიან პერსპექტივაში, აშშ-ის დახმარების ნაკლებობამ, შესაძლოა, მოსკოვს საშუალება მისცეს აღადგინოს შეტვის ტემპი, გაზარდოს თავისი იარაღის წარმოება და ისარგებლოს ირანისა და ჩრდილოეთ კორეის მხარდაჭერით.
როგორც გამოცემა ამერიკელ ოფიციალურ პირზე დაყრდნობით აღნიშნავს, მოსალოდნელია, რომ უკრაინა წლევანდელ წელს გამოიყენებს თავდაცვითი წარმოების ბაზის გასაძლიერებლად და ძალების აღსადგენად 2025 წელს უფრო მეტი საბრძოლო მოქმედებების მოლოდინში, და სავარაუდოდ, ასეთივე სტრატეგიაზე კონცენტრირდება რუსეთიც
„ამიტომ არის დასავლეთის მხარდაჭერის გაგრძელება ასე მნიშვნელოვანი, რადგან მომავალ წელს გაკეთდება ყველაფერი, რაც გადაწყვეტს, თუ როგორ განვითარდება 2025 წელი და, შესაძლოა, შემდგომიც“, - განუცხადა CNN-ს წყარომ.
