ლატვიაში მცხოვრებმა რუსეთის ათასამდე მოქალქემ საიმიგრაციო უწყებიდან მიიღო წერილი, მოითხოვნით, რომ ორი კვირის განმავლობაში დატოვონ ქვეყანა ან მოაწესრიგონ ბინადრობის სტატუსი მოქმედი კანონების შესაბამისად. წინააღმდეგ შემთხვევაში, მათ დეპორტაცია ემუქრებათ. ამის შესახებ მოქალაქეობისა და მიგრაციის საქმეთა დეპარტამენტის ხელმძღვანელმა მაირა როზემ განაცხადა.
უწყების ინფორმაციით, ამჟამად ეს 985 ადამიანს შეხება. აპრილში მათ შესაძლოა, კიდევ რუსეთის 2500 მოქალაქე დაემატოს. როზეს თქმით, თუ ისინი წერილზე რეაგირებას არ მოახდენენ, მათ დეპარტამენტის თანამშრომლები საცხოვრებელ ადგილას მიაკითხავენ. თუ ეს ადამიანები იმ მისამართზე არ დახვდებიან, დეპარტამენტი ჩათვლის, რომ მათ უკვე დატოვეს ლატვია.
უკრაინაში რუსეთის სრულმასშტაბიანი შეჭრის დაწყების შემდეგ, ლატვიის ხელისუფლებამ შეცვალა საიმიგრაციო კანონმდებლობა. განახლებული კანონის მიხედვით, რუსეთის მოქალაქეებისთვის 2023 წლის სექტემბერში გაცემული მუდმივი ბინადრობის ნებართვები ძალადაკარგული გახდა.
მათ ევროკავშირის მუდმივი რეზიდენტის სტატუსის მისაღებად უნდა შეიტანონ განაცხადი და მოქალაქეობისა და მიგრაციის საქმეთა დეპარტამენტს წარუდგინონ A2 დონეზე ლატვიური ენის ცოდნის დამადასტურებელი საბუთი, ასევე ფინანსური რესურსები.
