უკრაინული მედიის ცნობით, 18 იანვრის ღამეს რუსეთის ძალებმა უკრაინის წინააღმდეგ 33 დრონი გაუშვეს, მათგან 22 უკრაინის თავდაცვამ გაანადგურა.
ამასთან, უკრაინის საჰაერო ძალების ცნობით, კიდევ რამდენიმე დრონმა სამიზნეებს ვერ მიაღწია.
ოკუპანტებმა დრონები პრიმორსკი-ახტარიდან და კურსკის ოლქიდან გაუშვეს. მათ ასევე დარტყმები განახორციელეს С-300-ის ტიპის მართვადი რაკეტებით ბელგოროდის ოლქიდან ხერსონის რეგიონის მიმართულებით.
უკრაინის თავდაცა მოქმედებდა სუმის, მიკოლაივის, ხერსონის, დნიპროპეტროვსკის, კიროვოგრადისა და ხმელნიცკის ოლქების ფარგლებში.
ამასთან, უკრაინული მედიის ცნობით, დნიპტროპეტროვსკის ოლქში, პავლოგრადის რაიონში დრონის ნამსხვრევები ფერმის ტერიტორიაზე ჩავარდა, რამაც ხანძარი და ნგრევა გამოიწვია. დაშავებულები არ არიან.
მიკოლაივში მტრის დარტყმების შედეგად დაზიანდა 4 საცხოვრებელი სახლი, 2 სამეურნეო ნაგებობა და ელექტროგადამცემი ხაზები. არავინ დაშავებულა. მედიის ცნობით, ოლქის სხვა რაიონებში ღამემ მშვიდად ჩაიარა.
