მედიის ცნობით, ევროკომისიამ ოთხშაბათს, 17 იანვარს, გამოაცხადა სკრინინგის პროცესის - ევროკავშირის კანონის შესაბამისად უკრაინული კანონმდებლობის ანალიზის დაწყება.
ამის შესახებ ევროკომისიის პრეზიდენტმა, ურსულა ფონ დერ ლაიენმა ევროპარლამენტში გამოსვლისას განაცხადა. ”ახლა ჩვენ უნდა მივყვეთ პოლიტიკურ ვითარებას და გადაწყვეტილებას, რაც ჩვენ მივიღეთ ევროპულ საბჭოში. ევროკავშირში შესვლის შესახებ მოლაპარაკებების მომზადების პროცესში, ჩვენ ვიწყებთ სკრინინგის პროცესს და ვქმნით მოლაპარაკების ჩარჩოს”, - თქვა მან.
იგივე ეხება მოლდოვასაც, რაც ჟურნალისტებს დაუდასტურა ბრიუსელში, ევროკავშირის გაფართოების ევროკომისიის ოფიციალურმა წარმომადგენელმა ანა პისონერომ. ”სკრინინგის პროცესი, რა თქმა უნდა, დაიწყება მოლდოვისთვისაც. ის დაუყოვნებლივ დაიწყება და ამ ეტაპზე შეიქმნება ინტერდისციპლინარული ჯგუფები, რომლებიც მოიცავს ევროკავშირის ყველა კანონმდებლობას,” - განმარტა მან.
პისონეროს თქმით, ევროკომისია უკვე მუშაობს მოლაპარაკების ჩარჩოების პროექტზე, რომელსაც ევროკავშირის საბჭოს უახლოეს კვირებში წარედგინება.
