ლონდონში, ტრაფალგარის მოედანზე ისრაელის მხარდამჭერ აქციას ათასობით ადამიანი შეუერთდა. იუწყება BBC.
აქციის მონაწილეებმა აღნიშნეს, რომ 7 ოქტომბერს განხორციელებული თავდასხმიდან ზუსტად 100 დღე გავიდა. მათ ღაზაში მყოფი მძევლების გათავისუფლება მოითხოვეს.
აქციის მონაწილეებმა BBC-ს განუცხადეს, რომ წუხდნენ იმის გამო, რომ მძევლები დაივიწყეს და თავს ვალდებულად მიიჩნევდნენ მიეღოთ აქციაში მონაწილეობა და მხარი დაეჭირათ ისრაელისთვის.
აქციაზე შეკრებილებს დისტანციურად ისრაელის პრეზიდენტმაც მიმართა.
„ეს ბრძოლა ეკუთვნის მთელ თავისუფალ სამყაროს“, – განაცხადა ისააკ ჰერცოგმა.
მან ასევე მადლობა გადაუხადა დიდი ბრიტანეთის მეფეს, პრემიერ-მინისტრ რიში სუნაკს და ლეიბორისტების ლიდერს სერ კირ სტარმერს 7 ოქტომბრის თავდასხმების შემდეგ მხარდაჭერისთვის.
