დანიის დედოფალმა მარგარეტ მეორემ ტახტიდან გადადგომას ოფიციალურად ხელი დღეს, 14 იანვრს მოაწერა, რის შემდეგაც დანიის ახალი მეფე, მისი ვაჟი ფრედერიკ X გახდა.
გადადგომის განზრახვის შესახებ 83 წლის მარგარეტ მეორემ 2023 წლის 31 დეკემბერს განაცხადა. ამისთვის თარიღი - 14 იანვარი შემთხვევით არ შერჩეულა.
ზუსტად 52 წლის წინ, 1972 წლის 14 იანვარს, მარგარეტ მეორე დანიის ტახტზე ავიდა. მასზე დიდხანს ევროპაში ტახტს მხოლოდ მისი ბიძაშვილი, ბრიტანეთის დედოფალი ელისაბედ მეორე განაგებდა, რომელიც 70-წლიანი მმართველობის შემდეგ 2022 წლის 8 სექტემბერს გარდაიცვალა.
როგორც მარგარეტ მეორემ განმარტა, ტახტიდან გადადგომის გადაწყეტილება ზურგზე გაკეთებული ოპერაციის გამო მიიღო, რომელიც მას 2023 წლის თებერვალში ჩაუტარდა.
ბრიტანული სამეფო ტრადიციისგან განსხვავებით, ფრედერიკ X-ის მეფედ კურთხევის ოფიციალური ცერემონია არ გაიმართება. მისი ტახტზე ასვლა კოპენჰაგენში მდებარე ამალიენბორგის ციხესიმაგრიდან დანიის პრემიერ-მინისტრმა მეტე ფრედერიკსენმა გამოცხადდა.
