საფრანგეთის პრეზიდენტი ემანუელ მაკრონი გამოვიდა მოწოდებით გაგრძელდეს მოლაპარაკებები მძევლების გათავისუფლებასთან დაკავშირებით, რომლებიც ტერორისტულმა დაჯგუფება „ჰამასმა“ 2023 წლის 7 ორქტომბერს ისრაელზე თავდასხმის შემდეგ გაიტაცა.
მაკრონის განცხადებით, საფრანგეთი თავის შვილებს არ ტოვებს.
„დღეს 7 ოქტომბრის თავდასხმიდან 100 დღე გავიდა. საფრანგეთი თავის შვილებს არ ტოვებს. სწორედ ამიტომ მძევლების გასათავისუფლებლად მოლაპარაკებები ისევ და ისევ უნდა განახლდეს. არასდროს დანებდეთ, რადგან ჩვენ არასდროს დავთანხმდებით მსხვერპლს. გავაკეთებთ ყველაფერს და შეგიძლიათ, გქონდეთ ჩემი იმედი, რომ მათ სახლებში უვნებლად დავაბრუნებთ”, – განაცხადა მაკრონმა.
„ჰამასის“ ტყვეობაში სავარაუდოდ რჩება დაახლოებით 130 ადამიანი. ფრანგული მედიის ცნობით, მათ შორის შესაძლოა, იყოს სამი ფრანგი.
