რუს სამხედროებს სულ უფრო ხშირად ეშლებათ თავიანთი დრონები უკრაინულში და ცეცხლს უხსნიან მათ ოკუპირებულ ხერსონის რეგიონში. ნათქვამია ომის შემსწავლელი ისტიტუტის ანგარიშში (ISW)
უკრაინელმა სამხედრო დამკვირვებელმა კონსტანტინ მაშოვეცმა თქვა, რომ უკრაინული უპილოტო საფრენი აპარატების მოქმედება იმდენად გავრცელებულია ხერსონის ოლქის მარცხენა სანაპიროზე, რომ რუსულმა დანაყოფმა „დნეპრმა" დაიწყო პირადი შემადგენლობის ინფორმირება, თუ როდის გამოჩნდება რუსული დრონები ტერიტორიაზე, ვინაიდან რუს სამხედროებს სულ უფრო ხშირად ეშლებათ თავიანთი უპილოტო თვითმფრინავები უკრაინულში და ცეცხლს უხსნიან მათ.
ანგარიშის თანახმად, 13 იანვრის მონაცემებით, უკრაინული ძალები იკავებენ პოზიციებს ხერსონის რეგიონის აღმოსავლეთ (მარცხენა) ნაპირზე, მაგრამ დადასტურებული ცვლილებები ამ მხარეში არ დაფიქსირებულა.
რუსეთისა და უკრაინის ძალები განაგრძოდნენ სანგრების ბრძოლას აღმოსავლეთ სანაპიროზე, მათ შორის დასახლებულ პუნქტ კრინკსა და მის მახლობლად.
მაშოვეცმა ასევე განაცხადა, რომ რუსული მე-17 სატანკო პოლკის სარდლობა რეგულარულ სარემონტო პერსონალთან და საბრძოლო პირად შემადგენლობასთან ერთად, ბოლო ორი კვირის განმავლობაში ცდილობდა კრინკის მახლობლად დაზიანებული რუსული ჯავშანტექნიკის ევაკუაციას.
