საფრანგეთის საგარეო საქმეთა ახალი მინისტრი სტეფან სეჟურნე კიევში 13 იანვარს დილით ჩავიდა. ინფორმაციას საფრანგეთის საგარეო საქმეთა სამინისტრო ავრცელებს.
საფრანგეთის საგარეო უწყების განცხადებით, მინისტრი კიევში ჩავიდა "პარიზის დიპლომატიური ძალისხმევის გასაგრძელებლად და მან კიდევ ერთხელ დაადასტურა საფრანგეთის ერთგულება მისი მოკავშირეებისა და მშვიდობიანი მოსახლეობის მიმართ".
საფრანგეთის საგარეო საქმეთა მინისტრი დღეს, სავარაუდოდ, პრეზიდენტ ვოლოდიმირ ზელენსკის შეხვდება.
კიევში ვიზიტის შესახებ სოციალურ ქსელში თავად მინისტრმაც გააკეთა განცხადება. მისი თქმით, უკრაინა თითქმის ორი წელია „იცავს თავის სუვერენიტეტს და უზრუნველყოფს ევროპის უსაფრთხოებას“.
"საფრანგეთის დახმარება გრძელვადიანია. ეს არის ის, რაც მე ვთქვი ჩემი პირველი ვიზიტის დროს კიევში". - აღნიშნა მან.
