ამერიკის შეერთებულმა შტატებმა, 13 იანვრის ღამეს იემენელი „ჰუსიტების“ წინააღმდეგ დამატებით საჰაერო იერიშები მიიტანა.
აშშ-ს ცენტრალური სარდლობის ინფორმაციით, სამიზნე ჰუსიტების სარადარო სისტემები იყო.
12 იანვარს იემენში, „ჰუსიტების“ ობიექტებზე თავდასხმები აშშ-ისა და დიდი ბრიტანეთის ძალებმა განახორციელეს. აშშ-ის ოფიციალური წარმომადგენელის განცხადებით, დარტყმები განხორციელდა თვითმფრინავებიდან, გემებიდან და წყალქვეშა ნავებიდან.
ამასთან, თეთრი სახლის ეროვნული უსაფრთხოების საბჭოს მრჩევლის ჯონ კირბის განცხადებით, აშშ არ არის დაინტერესებული იემენში ომით.
კირბი გამოვიდა გაფრთხილებით, რომ პრეზიდენტი ბაიდენი უსწრაფესად მიიღებს შემდგომ ზომებს, თუ ამბოხებული "ჰუსიტები" კვლავ განაგრძნობენ თავდასხმას წითელ ზღვაში კომერციულ რეისებზე.
თუმცა, მან თქვა, რომ აშშ "არ არის დაინტერესებული იემენში ომით ან რაიმე სახის კონფლიქტით".
კირბის თქმით, პრეზიდენტი ბაიდენი ყველაფერს აკეთებდა და აკეთებს, რომ აიცილოს კონფლიქტის ნებისმიერი ესკალაცია.
