ფრანგული გამოცემა Le Figaro.-ს ინფორმაციით, საფრანგეთის ახლად დანიშნული საგარეო საქმეთა მინისტრი სტეფან სეჟორნე კიევში სამუშაო ვიზიტით მიემგზავრება.
როგორც იუწყებიან, მინისტრი უკრაინის დედაქალაქში შეხვდება ვოლოდიმირ ზელენსკის.
როგორც გამოცემა აღნიშნავს, საფრანგეთის საგარეო უწყების ახალი ხელმძღვანელი უკრაინისადმი საფრანგეთის მხარდაჭერის დემონსტრირებას აპირებს.
საფრანგეთის პრემიერ-მინისტრმა გაბრიელ ატალმა მთავრობის ახალი შემადგენლობა წარადგინა.
მთავრობის კაბინეტის შემადგენლობაში მხოლოდ რამდენიმე ცვლილება განხორციელდა. კერძოდ, საგარეო საქმეთა მინისტრის პორტფელი ყოფილმა ევროპარლამენტარმა, 38 წლის სტეფან სეჟორნემ ჩაიბარა. უწინ, სეჟორნე მაკრონის პარტიის გენერალური მდივანი და მისი ყოფილი მრჩეველი იყო საპრეზიდენტო კამპანიის დროს.
მანამდე, ამ თანამდებობას კატრინ კოლონა იკავებდა.
