11 იანვარს პოლონეთის დედაქალაქ ვარშავაში, პარლამენტის შენობის წინ ათიათასობით ადამიანი შეიკრიბა, რათა პროტესტი გამოეხატა პრემიერ-მინისტრ დონალდ ტუსკის მემარცხენე-ლიბერალური მთავრობის წინააღმდეგ.
აქციის მონაწილეთა უმეტესობა ნაციონალური კონსერვატიული ოპოზიციური პარტიის, „კანონი და სამართლიანობის“ მხარდამჭერები იყვნენ.
ვარშავის მერიის ინფორმაციით, საპროტესტო აქციაში დაახლოებით 35 000 ადამიანი მონაწილეობდა, თავად ორგანიზატორების მტკიცებით კი - 100-დან 300 ათასამდე.
აქციის მონაწილეებს სიტყვით მიმართა „კანონი და სამართლიანობის“ ლიდერმა იაროსლვამ კაჩინსკიმ. მისი თქმით, ევროკავშირი პოლონელთა სამშობლოს ლიკვიდაციას გეგმავს. მისივე თქმით, ტუსკის კაბინეტი „პოლონეთის მთავრობა არ არის“ და პრემიერ-მინისტრი გერმანიის კარნახით მოქმედებაში დაადანაშაულა.
გასული წლის ოქტომბრის საპარლამენტო არჩევნებში, კონსერვატიული პარტია "კანონი და სამართლიანობა" დამარცხდა, რის შემდეგაც ხელისუფლების სათავეში მემარცხენე-ლიბერალური კოალიცია მოვიდა, პრემიერ-მინისტრ დონალდ ტუსკის მეთაურობით.
