დიდი ბრიტანეთის პრემიერ-მინისტრ რიში სუნაკის განცხადებით, საერთაშორისო საზოგადოების არაერთი გაფრთხილების მიუხედავად, „ჰუსიტები“ განაგრძობდნენ თავდასხმებს წითელ ზღვაში სავაჭრო და ამერიკულ და ბრიტანულ სამხედრო ხომალდებზე, რასაც მოკავშირეები ვერ შეეგუებოდნენ.
„სამეფო საჰაერო ძალებმა განახორციელეს მიზანმიმართული დარტყმები სამხედრო ობიექტებზე, რომლებსაც იემენში იყენებდნენ „ჰუსიტი“ მებრძოლები.
ბოლო თვეებში „ჰუსიტმა“ მეამბოხეებმა განახორციელეს საშიში და დესტაბილიზაციის გამომწვევი შეტევები კომერციულ გემებზე წითელ ზღვაში, რაც საფრთხეს უქმნის ბრიტანულ და სხვა საერთაშორისო გემებს, რამაც გამოიწვია სასიცოცხლო სავაჭრო მარშრუტის მნიშვნელოვანი შეფერხება და საქონლის ფასების ზრდა.
მათი დაუფიქრებელი ქმედებები საფრთხეს უქმნის ზღვაში ადამიანთა სიცოცხლეს და ამძაფრებს ჰუმანიტარულ კრიზისს იემენში“, - განაცხადა სუნაკმა.
მისი თქმით, დიდი ბრიტანეთი ყოველთვის დაიცავს ნაოსნობის თავისუფლებას და ვაჭრობის თავისუფალ ნაკადს.
„აქედან გამომდინარე, ჩვენ მივიღეთ შეზღუდული, აუცილებელი და პროპორციული თავდაცვის ზომები შეერთებულ შტატებთან, ნიდერლანდების, კანადისა და ბაჰრეინის არაოპერატიული მხარდაჭერით, ამ თავდასხმებთან დაკავშირებული სამიზნეების წინააღმდეგ, რათა დავასუსტოთ „ჰუსიტების“ სამხედრო შესაძლებლობები და დავიცვათ საერთაშორისო ნავიგაცია.
გაერთიანებული სამეფოს საზღვაო ფლოტი აგრძელებს პატრულირებას წითელ ზღვაში, როგორც მრავალეროვნული ოპერაციის Prosperity Guardian-ის ნაწილი, რათა შეაჩეროს „ჰუსიტების“ შემდგომი აგრესია, მოვუწოდებთ მათ შეწყვიტონ თავდასხმები და მიიღონ ზომები დეესკალაციისთვის“,- განაცხადა რიში სუნაკმა.
აშშ-მა და დიდმა ბრიტანეთმა იემენში ჰუსიტების ობიექტების წინააღმდეგ დარტყმები განახორციელეს.
აშშ-ის საჰაერო ძალების განცხადებით, მოკავშირეებთან ერთად, იემენში ჰუსიტების 60-ზე მეტ ობიექტს დაარტყეს.
აშშ-ის ოფიციალურმა წარმომადგენელის განცხადებით, დარტყმები თვითმფრინავებიდან, გემებიდან და წყალქვეშა ნავებიდან მოხდა. დარტყმები განხორციელდა თვითმფრინავებიდან, გემებიდან და წყალქვეშა ნავებიდან.
