უკრაინის პრეზიდენტი ვოლოდიმირ ზელენსკი მიიჩნევს, რომ აუცილებელია ომის გაყინვის თავიდან აცილება, რათა რუსეთს არ ჰქონდეს შესაძლებლობა მოამზადოს ძლიერი კონტრშეტევა.
ამის შესახებ ზელენსკიმ რიგაში გამართულ პრესკონფერენციაზე განაცხადა.
„ნუ მისცეთ კონფლიქტის გაყინვის შესაძლებლობას. ნუ მისცემთ რუსეთს შესაძლებლობას მოემზადოს ძლიერი კონტრშეტევისთვის, ერთ, ორ, სამ, ხუთ წელიწადში. ნუ მისცემთ ამის საშუალებას... ნუ მისცემთ რუსეთს შესაძლებლობას გახდეს ისევ ძლიერი," - განაცხადა ზელენსკიმ.
უკრაინის პრეზიდენტის თქმით, მანამდე ომი უნდა დასრულდეს.
მან აღნიშნა, რომ ომის გაყინვის შემთხვევაში, დროთა განმავლობაში სანქციები შესუსტებას დაიწყებს და ახალი რიტორიკა გაჩნდება: „რატომ ახალი სანქციების პაკეტი, თუ არ იქნება საომარი მოქმედებები?
ზელენსკიმ განაცხადა, რომ რუსეთი შურისძიებისთვის ემზადება, უკრაინა კი ამის თავიდან აცილებას გეგმავს. მისი თქმით, აუცილებელია სხვადასხვა სახელმწიფოს საზოგადოებების კონსოლიდაცია, რათა უკრაინის გეგმები ემთხვეოდეს მისი პარტნიორების მიზნებსა და შესაძლებლობებს.
