იტალიის პრემიერ-მინისტრი ჯორჯია მელონი ცდილობს დაარწმუნოს უნგრეთის პრემიერ-მინისტრი ვიქტორ ორბანი, შეცვალოს თავისი პოზიცია კიევისთვის ევროკავშირის დახმარებასთან დაკავშირებით და დაიწყოს უკრაინის მხარდაჭერა, ასევე გააუმჯობესოს ურთიერთობები უკრაინის პრეზიდენტ ვოლოდიმირ ზელენსკისთან. ამის Bloomberg შესახებ წყაროზე დაყრდნობით იტყობინება.
მელონი სთავაზობს ორბანის პარტიას, შეუერთდეს ევროპელ კონსერვატორთა და რეფორმისტთა ასოციაციას (ECR) ევროპარლამენტის მომავალ არჩევნებამდე.
გამოცემა წერს, რომ მელონი ასევე უბიძგებს ორბანს, შეცვალოს მიდგომა უკრაინის ევროკავშირში გაწევრიანებასთან და ბუდაპეშტის კიევთან ურთიერთობების საერთო გადატვირთვასთან დაკავშირებით.
„იტალიისა და უნგრეთის ლიდერების წარმომადგენლებს შორის მოლაპარაკებები სხვადასხვა დონეზე გაიმართა, მაგრამ გადაწყვეტილება ჯერ მიუღებული არ არის“, – წერს Bloomberg
