ლიეტუვის პრეზიდენტმა, გიტანას ნაუსედამ ვილნიუსში ვოლოდიმირ ზელენსკისთან შეხვედრისას უკრაინისთვის ახალი სამხედრო დახმარების შესახებ განაცხადა.
„ჩვენ დავამტკიცეთ უკრაინისთვის გრძელვადიანი სამხედრო დახმარების პაკეტი 200 მილიონი ევროს ოდენობით. იანვარში ჩვენ კვლავ გავაგზავნით საბრძოლო მასალებს, გენერატორებს და დეტონაციის სისტემებს უკრაინაში, ხოლო თებერვალში ჩვენ გამოგიგზავნით M5777-ის ჯავშანტექნიკის გადამზიდავებს. ჩვენ მოვამზადებთ უკრაინელ ჯარისკაცებს და გავაძლიერებთ თანამშრომლობას თავდაცვის მრეწველობაში“, - განაცხადა ნაუსედამ ერთობლივ პრესკონფერენციაზე.
თავის მხრივ, უკრაინის პრეზიდენტმა განაცხადა, რომ ლიეტუველ კოლეგასთან ფრონტზე არსებული ვითარება განიხილა. მან მადლობა გადაუხადა ლიეტუვას სამხედრო დახმარებისთვის.
„დღეს გიტანას ნაუსედასთან ერთად დიდი ყურადღება დავუთმეთ, როგორ ვითარდება მოვლენები ფრონტზე. იარაღი, ტექნიკა, ჩვენი მეომრების მომზადება, ლიეტუვის ლიდერობა გამნაღმველ კოალიციაში – ყველაფერი ეს გვაძლიერებს. მადლობა ახალი თავდაცვითი მხარდაჭერისთვის, რომელზეც ახლა შევთანხმდით, არა მხოლოდ დახმარებისთვის, არამედ ერთობლივი წარმოებისთვის, კერძოდ, დრონების საწინააღმდეგო საშუალებების, რომლებიც განსაკუთრებით საჭიროა ფრონტზე“, – აღნიშნა ზელენსკიმ.
