ისრაელის თავდაცვის მინისტრმა იოავ გალანტმა განაცხადა, რომ სამხედრო ოპერაცია ღაზის სექტორში არ დასრულდება, ვიდრე ყველა ისრაელელი მძევალი არ გათავისუფლდება. იუწყება გამოცემა Times of Israel.
„ღაზაში ბრძოლა არ დასრულდება, ვიდრე მძევლები არ დაბრუნდებიან სახლებში“, - თქვა გალანტმა თელ-ავივში მოძრაობა „ჰამასის“ მიერ ღაზაში დატყვევბული მძევლების ოჯახებთან შეხვედრისას.
ღაზაში „ჰამასის“ მებრძოლებმა 200-ზე მეტი მძევალი გაიტაცეს. ზავის პერიოდში ისრაელმა 110 მძევალი გაათავისუფლა. ისრაელის განცხადებით, ღაზის სექტორში 126 ისრაელელი და 11 უცხოელი მძევალი დარჩა.
