მედიის ცნობით, რუსეთის ქალაქ ჩელიაბინსკში16 წლის არასრულწლოვანი დააკავეს, რომელიც ეჭვმიტანილია „შაგოლის“ აეროდრომზე სამხედრო თვითმფრინავის დაწვის მცდელობაში.
4 იანვარს უკრაინის მთავარმა სადაზვერვო სამმართველომ განაცხადა, რომ „შაგოლის“ აეროდრომზე სუ-34-ის ტიპის გამანადგურებელი დაიწვა.
5 იანვარს რუსეთის ეფ-ეს-ბემ განაცხადა, რომ დააკავეს რუსეთის მოქალაქე, რომელიც მონაწილეობდა რუსეთის თავდაცვის სამინისტროს ობიექტზე დივერსიის მოწყობის მცდელობაში უკრაინის სპეცსამსახურების დავალებით.
როგორც ჩელიაბინსკის გამოცემა წერს, დაკავებული 16 წლისაა. მედიის ცნობით, ის დაღესტნის ქალაქ ბუინაკსკიდან არის.
ჩელიაბინკის სასამართლომ 16 წლის არასრულწლოვანი წინასწარი დაკავების იზოლატორში ორი თვით გაუშვა.
მედია წერს, რომ მოზარდს ასევე ადანაშაულებენ 2023 წლის ნოემბერსა და დეკემბერში დაღესტანში რკინიგზაზე ხანძრის გაჩენაში.
