რუსეთი სერიოზულ საფრთხეს უქმნის შვედეთისა და ევროპის უსაფრთხოებას. ამის შესახებ შვედეთის საგარეო საქმეთა მინისტრმა ტობიას ბილსტრემმა Folk och försvars -ის ეროვნულ კონფერენციაზე განაცხადა.
„ჩვენ უნდა მოვემზადოთ ხანგრძლივი დაპირისპირებისთვის, რომელიც გაგრძელდება მანამდე, ვიდრერუსეთი არ შეწყვეტს გაერო-ს წესდებისა და ევროპის უსაფრთხოების წესრიგის დარღვევას“, - აღნიშნა ბილსტრემმა.
მან ასევე განაცხადა, რომ შვედეთი უკრაინას სამხედრო და პოლიტიკურ მხარდაჭერას გაუწევს. ️მისივე თქმით, შვედეთის საგარეო პოლიტიკის მთავარი ამოცანა უახლოეს წლებში უკრაინის მხარდაჭერა იქნება
„უკრაინელი ჯარისკაცები, ჩვენი თავისუფლებისა და ღირებულებებისთვისაც იბრძვიან“, - განაცხადა შვედეთის საგარეო საქმეთა მინისტრმა.
კონფერენციაზე ვიდეოჩართვისას უკრაინის პრეზიდენტმა ვოლოდიმირ ზელენსკიმ, თავის მხრივ მადლობა გადაუხადა შვედეთს სამხედრო დახმარებისთვის. ამავე დროს, მან აღნიშნა, რომ უკრაინას სჭირდება წვდომა მეტი რაოდენობის საჰაერო თავდაცვის სისტემებზე, როგორც ფრონტზე, ასევე ქვეყნის დიდ ქალაქებში.
"თუ რუსეთი დაკარგავს კონტროლს ცაზე, ის დაკარგავს მთელ ძალას ბრძოლის ველზე. მათ სხვა არაფერი აქვთ", - თქვა ზელენსკიმ.
