ბელგიამ ოფიციალურად დაიკავა ევროკავშირის თავმჯდომარეობა. ქვეყნის პრემიერ-მინისტრის ალექსანდრ დე კროოს თქმით, ამ პერიოდის განმავლობაში მისი ქვეყნის პრიორიტეტები იქნება უკრაინის მხარდაჭერა, დემოკრატიის გაძლიერება და ეკონომიკის განვითარება. ბელგიის პრემიერი მის უშუალო ამოცანად მიიჩნევს ფინანსური გეგმის შეთანხმებას1-ელ თებერვალს ევროკავშირის სამიტზე კიევისთვის 2024-დან 2027 წლამდე 50 მილიარდი ევროს ოდენობით დახმარების მიწოდებასთან დაკავშირებით.
ერთობლივ პრესკონფერენციაზე ალექსანდრე დე კროომ და ურსულა ფონ დერ ლაიენმა პირობა დადეს, რომ იმუშავებენ უფრო ძლიერი დემოკრატიისა და უკრაინის თავისუფლებისთვის ევროკავშირის ფინანსური დახმარების გაზრდით.
„ევროპის მოსახლეობა ევროკავშირს უყურებს. ხალხი ევროკავშირს უყურებს მკაფიო მოლოდინებით, თავიანთი დაცვის იმედით, ჩვენი კეთილდღეობის გაძლიერების, ჩვენი საერთო მომავლის მომზადების იმედით. ჩვენი საერთო მომავალი აქ ევროპაში ნიშნავს, რა თქმა უნდა, უკრაინას ევროპის გულში“,- თქვა ბელგიის პრემიერ-მინისტრმა.
