ჯანდაცვის მსოფლიო ორგანიზაციის გენერალურმა დირექტორმა ტედროს ადანომ გებრეიესუსმა მოუწოდა ყველას გააგრძელონ ნიღბების ტარება და დაიცვან სოციალური დისტანცია COVID-19 -სა და სხვა ინფექციური დაავადებების ზრდის გამო.
ტედროს ადანომ გებრეისუსმა ასევე მოუწოდა სახელმწიფოებს, უზრუნველყონ ტესტებსა და ვაქცინებზე ხელმისაწვდომობა.
„ COVID-19, გრიპი და სხვა პათოგენების რესპირატორული დაავადებები ბოლო კვირების განმავლობაში მატულობს ბევრ ქვეყანაში, სავარაუდოდ, ეს გაგრძელდება ბოლო არდადეგების შემდეგ. დარწმუნდით, რომ გაიარეთ ტესტირება და მოიძიეთ დახმარება, როცა საჭიროა. COVID-19 -ის მკურნალობამ შეიძლება, თავიდან აიცილოს მძიმე დაავადება და სიკვდილი. გააგრძელეთ ნიღბების, ვენტილაციისა და დისტანცირების გამოყენება გამოვლენის შესამცირებლად და დარწმუნდით, რომ თქვენ და თქვენს ახლობლებს COVID-19 -ისა და გრიპის საწინააღმდეგო აცრები ჩატარებული გაქვთ“, – განაცხადა ტედროს ადანომ გებრეისუსმა.
