ლიეტუვის ხელისუფლება განიხილავს საჯარო სკოლებში რუსული ენის სწავლების ეტაპობრივად ამოღებისსამართლებრივ საფუძვლებს. ამის შესახებ ლიეტუვის განათლების, მეცნიერებისა და სპორტის მინისტრმა გინტაუტას იაკშტასმა რადიო LRT-ს განუცხადა.
იაკშტასის თქმით, მათ უნდა მიბაძონ მეზობელი ლატვიისა და ესტონეთის მაგალითს, რომლებმაც არამხოლოდ სკოლებში რუსული ენის სწავლებაზე, არამედ მისი, როგორც უცხო ენის სწავლებაზეც უარი თქვეს.
მისი თქმთ, ლიეტუვის განათლების სისტემა ორიენტირებული უნდა იყოს ევროკავშირის ქვეყნების ენებზე. ასევე მისივე თქმით, შესაძლებელია ორმხრივი შეთანხების გაფორმება მეგობრულ ქვეყნებთან, როგორიცაა მაგალითად უკრაინა.
მინისტრმა თქვა, რომ ლიეტუვა რამდენიმე კვირაში წარადგენს წინადადებას რუსულ ენაზე სწავლების შეწყვეტის შესახებ. მისი ინფორმაციით, ჯამში ლიეტუვაში ზოგადსაგანმანათლებლო სკოლების სისტემაში დღეს დაახლოებით 300 ათასი მოსწავლე სწავლობს, მათ შორის სკოლებში, სადაც სწავლება რუსულ ენაზე მიმდინარეობს, დაახლოებით 15 ათასი მოსწავლეა.
