დიდ ბრიტანეთში პოდკასტის ორი წამყვანი, რომლებიც მოუწოდებდნენ პრინც ჰარისა და მისი მცირეწლოვანი შვილის მკვლელობას, ბრალი დასდეს თეთრ სუპრემასიმში. იუწყება АР.
როგორც ბრიტანეთის სასამართლომ განაცხადა, კრისტოფერ გიბსონი და ტაირონ პატენ-უოშლი ქადაგებდნენ რასისტულ, ანტისემიტურ, ილსამოფობიურ, ჰომოფობიურ და ქალთმოძულე შეხედულებებს და თავიანთი პოდკასტის მსმენელებს უბიძგებდნენ ეთნიკური უმცირესობების საწინააღმდეგო ძალადობრივი ქმედებებისკენ.
წამყვანების წყვილი აცხადებდა, რომ "თეთრი რასა, სავარაუდოდ, გენოციდს დაექვემდებარება, თუ მის წინააღმდეგ საბრძოლველად არ იქნება მიღებული ზომები". ისინი აღფრთოვანებით საუბრობდნენ იმ დღის შესახებ, როდესაც ე.წ. "რასის მოღალატეებს" ჩამოახრჩობდნენ, განსაკუთრებით მათ, ვისაც განსხავავებული რასობრივი ურთიერთობები ჰქონდათ.
ერთ-ერთ ეპიზოდში გიბონსმა თქვა, რომ სასექსის ჰერცოგი უნდა დაისაჯოს „ღალატის" გამო და ჰარის ოთხი წლის ვაჟს არჩის უწოდა "არსება", რომელიც "უნდა მოიშორონ".
ლონდონის პოლიციამ განაცხადა, რომ 40 წლის გიბსონს რვა წლით თავისუფლების აღკვეთა მიესაჯა, 36 წლის პატენ-უოლშს კი შვიდწლიანი პატიმრობა. ორივე მათგანი გათავისუფლების შემდეგ სამი წლის განმავლობაში პირობითი მსჯავრის ქვეშ დარჩებიან.
"მტკიცებულებები აჩვენებს, რომ გინდათ იცხოვროთ სამყაროში, სადაც დომინირებენ თეთრკანიანები, მხოლოდ თეთრკანიანებისთვის. თქვენი დამახინჯებული აზროვნება არის ის, რომ თეთრმა რასამ დაუთმო ძალიან დიდი გავლენა შავკანიანებსა და აზიელებს, ებრაელებსა და მუსლიმებს, ჰომოსექსუალებს, თეთრ ლიბერალებსა და ადამიანებს, რომლებიც შერეულ ურთიერთობებში არიან“, - თქვა მოსამართლე პიტერ ლოდერმა.
გამოცემა აღნიშნავს, რომ ისინი ადიდებდნენ მემარჯვენე ექსტრემისტებს, რომლებმაც ჩაიდინეს ხოცვა-ჟლეტა ნორვეგიაში, კრაისტჩერჩში (ახალი ზელანდია) და ჩარლსტონში (სამხრეთ კაროლინა).
გიბსონი ასევე დამნაშავედ ცნეს ტერორისტული შეხედულებების შემცველი დოკუმენტების გავრცელებაში მისი ონლაინბიბლიოთეკის მეშვეობით, რომელსაც 2000-ზე მეტი გამომწერი ჰყავდა.
ლონდონის პოლიციის კონტრტერორისტული განყოფილების ხელმძღვანელმა დომინიკ მერფიმ, თქვა, რომ მასალებით, რომლებსაც ისინი ავრცელებდნენ, შესაძლებელი იყო მოწყვლადი ადამიანების, განსაკუთრებით ახალგაზრდების, ტერორიზმში ჩათრევა.
